Dec 27, 2006

سلبية يا ربى سلبيييييييييييييية


السلبية وما ادراك ما السلبية !

هى ان لا يقوم الشخص بالقليل الذى يتوجب القيام به كسلا واقرار منه بأنه لن توجد فائدة ترجى من هذا العمل.
فضلا عن الأعتقاد بهذا (لن اقول الإيمان به).. فهو ايضا يحاول نشر الفكرة والحض على القيام - بعدم القيام بأى شىء ذو فائدة ترجى - حتى يؤكد لنفسه اولا ثم لغيره بأن هذا هو الصنع المناسب.

لذا فالسلبية نوع من ارضاء النفس.. لأنه سيصعب على السلبي تقبل ان هناك من قام بشىء وحصّل نتيجته.
يتميز السلبى بالأضافة الى الكسل انه عادة جبان .. وقد يكون متظاهرا
اجمالا هو شخص اتكالى!

الجمل التى تبين لى عادة سلبية الشخص !

" احنا يا ما قلنا , ولا احد سمع !"

" احنا يا ما عملنا , ولا لقينا نتيجة !"

" انا اش عرفنى انى لما اتبرع لجمعية , التبرع يوصل للمحتاج !"

" ولماذا تفعل هذا ّ !! هل تعتقد بأنك ستلقى اى اهتمام ! "

هذا ما اتذكره الأن !
.......................

تلك كانت فكرتى عن السلبية ومعتنقيها !

3 comments:

Ossama said...

انتي يا دكتورة اكيد في حد مضايقك
كل سنة وانتي طيبة بكرة العيد وبلاش سلبية في اكل اللحمة
تحياتي

emanff said...

و كل سنة وانت طيب يا دكتور ..

حضرتك كنت فين ؟؟؟؟؟

اه انا كنت مضايقة ,, بس مش على نفسى

عندنا فى الشغل وحدة من الممرضات .. هى حامل فى اول طفل لها بعد فترة زواج

بقى اتلوت رجلها ووقعت على الأرض .. سمعت الصوت رحت .. لقيتها مسكينة قاعدة وبتعيط .. مش من الألم , قد ما هو انها خايفة على البيبى

اخدناها عند دكتروة المركز .. و رحت اجيب لها اوراق اصابة عمل .. مش مش اول مرة توقع

دكتور تانى بيقولى هما يعنى هايعملولها حاجة ؟؟؟ دى مواضيعواوراق بتطول !

موقفه ده مش سلبى !!!

يعنى على الأقل .. الواحد يعمل اللى يقدر عليه ! يصنع ما يجب صنعه !

وكمان ,, الممرضة تحس ان فيه ناس بتراعى حقوقها وتسعدها

بجد بجد بجد .. كنت مفروسة يا دكتور !

على رأيك
(خدت الحاجة جامد على صدرى)

....
انا مبسوطة بوجودك هنا يا دكتور!

Ossama said...

الله يزيد من انبساطك يا دكتورة
انا موجود على النت بوفرة
كل يوم بوست في ابو يحيي
بس الدكتور ده نطع فعلا
طب مش عايز تتصرف يا شملول عشان البيروقراطية مد ايدك في جيبك و زكي عن صحتك
هي حاجة تقرف فعلا
معلش