May 4, 2007

الجنة على الأرض

انا اعتقد ان الله سبحانه وتعالى يريدنا ان نكون سعداء على هذه الارض !
وان نستمتع بوجودنا عليها ..
لأ ان مش بتبطر !! ولا عايشة فى حلم
انا اتكلم جد !
يعنى اقصد .. ان الله تعالى يريدنا ان نستمتع بحياتنا
ولهذا .. اعتقد ان الناس اللى يمشون مع تحريم الكثير من الأشياء غير سعداء فى حياتهم !!!
لماذا .. لأنهم يظلون يمنون النفس ويهونون ألأمور بقولهم .. (يلله مش مهم .. بكرة فى الجنة سألاقى كذا من كذا)
لماذا ؟؟.. لأنهم يشعرون بأنهم محرومون
وهذا الشعور .. اعتقد انه يولد التعاسة داخل النفس
ان تترك شىء وانت تحس بأنك لا تريده لا هنا ولا حتى بعدين .. مثلا .. الخمر !
انا لا اريده لا هنا . ولا هناك
وعموما فى الجنة .. هو يختلف اساسا عن خمر الدنيا .. !
ولكن ان تجتنب شيئا وانت (تعافر) بينك وبين نفسك وبين الناس .. فهذا لا يجلب الراحة لك انت نفسك
...
انا شكلى لخبطت الكلام .. ومش قادرة اوصل الفكرة
عموما انا لا اقصد اننا نمسك كل ما هو حرام ونقترفه .. لأ ابدا ..
انا اقصد اننا نعيش الحياة ونستمتع بها وبما فيها
...
اذا بعد فترة .. عرفت اصيغ الجمل احسن .. ان شاء الله اعدل الموضوع واشيل هذه الجملة !!

6 comments:

Anonymous said...

سلام عليكم
يادكتورة التحريم ان لم يكن بنص ثابت يصبح شيء صعب جدا و مسئولية عظيمة من المفترض ان يهرب منها الجميع انما حاليا الناس كلها بتحرم و تحلل بعلم و احيانا بدون علم
بس المؤكد ان الله سبحانة و تعالي يريد السعادة لعبادة لا الشقاء
و السعادة في الايمان

eman said...

صح يا كتشب ..

مسرورة بزيارتك

Anonymous said...

أنا معاكى يا دكتورة.. بس برده الواحد لو مقتنع تمام الاقتناع إن الشىء ده حرام يبقى بالتأكيد سعادته حتكون لمما ميقترفوش و ممكن برده يبقى بيجاهد نفسه و الناس تقرفه بس مادام هو مقتنع بشء فخلاص..السعادة فعلا إنى افعل ما اؤمن به بغض النظر عن أى حاجة
متهيألى برده مفيهاش حاجة إن الواحد يصبر نفسه بالجنة و يقول مش مهم الدنيا و اصبر شوية و بتاع

رأى التعاسة و الغم بيجى فعلا مع الريبة و الشك و مرة اعمله و مرة لأ..مش مستقر على رأى

أنا برده يمكن معرفتش اصيغ الجمل كويس إن شاء الله تكونى فهمتلى قصدى..

أنا الفى قهوة كتكوت القولتلك إنى تقريبا بخوش على مدونتك بانتظام زى إبن عبد العزيز(: ...لو افتكرتى يعنى

eman said...

اشكرك يا طارق على المشاركة ..

و شكلى متذكرة ان فى مرة احد قالى انه يتابع مدونتى زى ابن عبد العزيز

Islamist Bloke said...

العملية مش بمعيار التحريم والحرمان فقط

اصل الاسلام بيتكلم من وجهة نظر عامة شاملة

انت بتسيب حاجات فى الدنيا -اللى هى حرام تماما - بتسيبها سواء برضاك او غصب عنك لانها حرام....وهتضرك كمان ...و ربنا هو اللى خلق الانسان وهو اعلم بالانسان من الانسان نفسه


وفيه حاجات تانية-مكروهة- بتسيبها بمزاجك او (مش عارف اقول اية بس خايف من كلمة بمزاجك دي) بس بتكون عارف ان ربنا هيعوضك عنها -ومن ترك شيئا لله عوضه الله خيرا منه- بس الفكرة ان الاسلام بيخلى الواحد يعيش روحانيات جميلة اوى بيكون معاها متقبل للزهد فى كل شىء وفى الدنيا كلها........المشكلة بأة اننا فى الزمن ده مش عايشين الروحانيات دي....عشان كدة صعب علينا نتخلى عن الدنيا......لانها ملموسة اوى عندنا


على فكرة ساعات بفكر بنفس كلامك....و اول ما قرأته عجبني اوى اوى.....و كنت هاقول كلام مختلف تماما لولا انى قرأت اول تعليق....جزى الله صاحبه عنى خيرا

والسلام

Unknown said...

اعتقد انك يادكتورة يمكن تتكونيين ماعرفتى توصلى رايك جيدا ,
-
اعتقد ان الانسان هو الى يصنع السعادة لنفسة ,,
يعنى المدمن لو سئلتة هل انت سعيد بعد اخذ المخدر , فى الغالب يقول نعم سعيد جدا
-
وتجدى شخص فقير جدا ويقولك لو اتعشى اولادى اكون سعيد جدا
=
للسعادة عدة اوجهه فى غير اتجاة السعادة التى اعرفها